命運

其實我真係知命運係咩一回事,
所有野的結果已經整定,
但你可以選擇好多唔同的方式去行,
如果你認命，可以行少好多冤枉路,
如果你唔認命,
用左好多方法去逆流而行,
到頭來結果都係一樣,
「起碼試過，我對今生無悔。」真的嗎?
我反而會覺得更加無奈。

好像我今日好想聽i-pod,
但我的headphone俾阿媽拿了去用,
屋企無多個,
在中環做完訪問,
於是便下定決心去豐澤買一個.
買左一個$120,
叫收銀姐姐即場幫我拆盒,
因為我想即場用,
點知發覺我買的不適合我的i-pod mini用,
因為我買的是掛頸式，adapter條線好短,
咁我話要換另外一個,
但個sales話拆左盒無得換，
吹漲。
好，我因為好想在回公司途中聽歌,
為我懷透的心情加點配樂,
於是我懶理三號強風大雨的風吹雨打,
走去史丹利街的apply店，配番一個專用i-pod，點知佢老尾，我行錯街,
好，沉住聽揾到間店舖,
走入去，滿心歡喜的
「sorry,已經無得散買，如果要散買就不如呢款」
除左因為成三百幾蚊外,
那個「呢款」係塞住耳仔的設計，我本來就很不喜歡這種設計,
好唔舒服!
結果都係失望而回,
雖然我知道我在公司有一個headphone,
但我真係好想搭車時聽歌!

人生就係咁,
結果我回到公司,
而家十點幾,
依然都無聽歌!
因為已經唔係我最想聽時聽。